--இது பல கனிப்பொறி மொழிகளை(Computer languages) அனுமதிக்கும்.
--இது இரண்டு மொழிகளை இணைத்து அப்ளிக்கேசன் டெவலப் செய்யும் வசதி கொண்டது Common Type System (CTS) (உ: C# & VB)
--இதில் CLR என சொல்லக்கூடிய Common Language Runtime உள்ளது. இதன் வேலை அப்ளிகேசன் அவுட்புட்டை நிர்வாகம் செய்வது. இதன் மூலமே நமது அப்ளிகேசன்கள் செயல் படுகின்றன.
--CLR ஐ அடுத்து இந்த ஃப்ரெம்வொர்க்கில் முக்கிய பங்கு வகிப்பது FCL(Framework Class Library). இதுதான் நாம் அப்ளிகேசன்கள் உருவாக்கத் தேவையான Classes, Namespaces, XML support, I/O operations, SOAP மற்றும் database உடன் தொடர்பு கொள்ளும் வசதி ஆகியவற்றை உள்ளடக்கியது.
இந்த ஃப்ரேம்வொர்க் குறித்து இந்த சிறிய முன்னுரையுடன் முடித்துக் கொண்டு நேரடியாக நாம் செல்லப் போவது ASP.net எனப் படும் இணைய அப்ளிகேசனுக்கு(Web Application).
இந்த டாட்நெட் அப்ளிகேசன்களை உருவாக்க நாம் உபயோகிக்க போகும் மென்பொருள் Visual Studio2005 மற்றும் அதற்கு மேலான வெர்சன்கள்.அதாவது ஃப்ரேம்வொர்க்2.0 மற்றும் அதற்கு மேல். இதை உங்கள் கனினியில் உள்ளீடு செய்து வைத்துக் கொள்ளுங்கள்.
டாட்நெட் வெப் அப்ளிகேசன் உருவாக்குவதில் இரண்டு வகைகள் இருக்கின்றன.
அவை
1) Client Side Code என சொல்லக் கூடிய டிசைன் தொடர்பானது.(HTML, Javascript)
2) Code behind என சொல்லக் கூடிய சர்வருடன் தொடர்பு கொள்ளும் மொழி.(c#, VB etc)
இந்த Code behind பகுதியில் உபயோகப் படுத்தப்படும் மொழிகளில் பெரும்பான்மையானவை c# மற்றும் VB . அதனால் இந்த இரண்டு மொழிகளையும் நம்முடைய அனைத்து வகுப்புகளிலும் உதாரணத்திற்கு எடுத்துக் கொள்ள போகிறோம்.
இன்றைய வகுப்பில் விஷீவல் ஸ்டூடியோவில் எப்படி அப்ளிகேசன் புதிதாக உருவாக்குவது என்பதை பார்க்கலாம்.
1) உங்கள் கனினியில் விஷீவல் ஸ்டூடியோவை திறக்கவும்.
இதை நீங்கள் Start -> All Programs -> Micrososft Visual Studio 2005 -> Micrososft Visual Studio 2005 மூலம் திறக்கலாம் அல்லது Run சென்று devenv என டைப் செய்தும் திறக்கலாம்.
2) அதன் பின் File -> New -> Website என்பதை பயன் படுத்ஹ்டியோ அல்லது கீழே உள்ள படத்தில் வருவது போல் Create -> Web Site என்பதியோ உபயோகப் படுத்தி திறக்கலாம்.
3) பின்னர் ASp.net Website என்பதை தெரிவு செய்து கொண்டு நீங்கள் பயன் படுத்த போகும் Code behind மொழியையும் அங்கு தேர்வு செய்யவும்.
உங்கள் அப்ளிகேசனின் பெயரை கொடுத்து OK பட்டனை அழுத்தவும்.
4) இப்போது திறந்திருக்கும் அப்ளிகேசனில் Default.aspx மற்றும் Default.aspx.cs (அல்லது Default.aspx.vb. இது நீங்கள் தேர்வு செய்யும் மொழியைப் பொருத்தது) என்ற இரு ஃபைல்கள் இருக்கும். Default.aspx என்பது டிசைன் தொடர்பான பகுதி. Default.aspx.cs என்பது நாம் சொன்ன Code behind பகுதி.
5) Default.aspx ல் "My First Application" என டிவ் நடுவில் டைப் செய்யவும். கீழே உள்ள படத்தை பார்க்க.
6) Default.aspx மீது right click செய்து set as start page கொடுக்கவும். இது எதற்காக என்றால் நமது அப்ளிகேசன் ஒன்றுக்கு மேற்பட்ட பேஜ் கொண்டதாக இருக்கும் படசத்தில் எது முதன்மையான பேஜ் என நிர்ணயம் செய்வதற்கு.
7) இப்போது Debug -> Start Debuging (or) Start Without Debuging தேர்வு செய்தோ அல்லது பச்சை நிற ரன் பட்டனை அழுத்தியோ ரன் செய்யலாம்.
அல்லது
6) வெப் அப்ளிகேசன் பொருத்த வரை அதன் இயக்கம் Web.config என்ற ஃபைல் மூலம் நிர்ணயிக்கப் படும். இதை நாம் முன்னரே இணைப்பதானாலும் இணைத்து கொள்ளலாம். அல்லது நாம் ரன் செய்யும் வேலையில் ஒரு பாப்-அப் கேட்கும். அதன் மூலமும் இணைக்கலாம்.
இதில் தேர்வு செய்து OK கொடுத்தால் உங்கள் அப்ளிகேசன் ரன் ஆகத் தொடங்கி விடும்.
7) உங்களுடைய அவுட்புட் கீழ் உள்ளவாறு இருக்கும்.
அடுத்த வகுப்பில் இந்த Web.Config என்ற ஃபலின் பயன்பாடுகள் குறித்து விரிவாக பார்க்கலாம். இது டாட்நெட் வகுப்புகளில் மிகவும் முக்கியமானது.
